
Byggt fyrir golf.
Ekki lagað að golfi.
Fullbúið golfhermishús, 35 fermetrar á palli við þitt hús eða sumarhús, hannað utan um kröfur innigolfs frá fyrsta degi. Þú velur herminn, húsið er byggt utan um hann.
Ekki byggja herbergi utan um golfherminn. Byrjaðu á herminum.
Heimahermar eru langoftast settir upp í öfugri röð: fyrst er til herbergi, svo er golfið lagað að því. Lofthæðin er 2,4 m, breiddin dugar öðrum megin, skjávarpinn lendir í sveiflunni. Við snúum röðinni við og seljum rýmið sjálft: 7,6 m langt, 4,6 m breitt, rúmir þrír metrar undir loft, höggtjaldið innst og setusvæðið við glerið.


Þú gengur inn um glerið og horfir beint á tjaldið.
Höggtjaldið er alltaf á sama stað: innst, á fimm metra bakstafninum, 7,6 metra frá gluggaveggnum. Húsgögn, litir, gólfefni og gras breytast eftir pakka. Skipulagið ekki.
Þrjár tölur skilja golfrými frá bílskúr.
| Krafa innigolfs | Þetta hús | Bílskúr |
|---|---|---|
| Lofthæð undir sveiflu | 3,12 m við háa hlið | 2,3 til 2,5 m |
| Breidd fyrir báðar hendur | 4,60 m | 2,8 til 3,2 m |
| Dýpt: tjald, bolti, radar, setusvæði | 7,60 m | 5,5 til 6,0 m |
| Höggtjald sem kemst fyrir | allt að 4,2 × 2,6 m | 3,0 × 2,2 m |
| Birtustýring | einn gluggaveggur, myrkvun fylgir | bílskúrshurð og gluggar |
Þakið hallar 3,9 % þvert á fimm metra stafninn, svo lofthæðin er 2.940 mm öðrum megin og 3.119 mm hinum megin. Slagsvæðið fer undir háu hliðina, setusvæðið undir þá lágu og skjávarpinn hangir aftan við sveifluna. Þetta er útreikningur, ekki smekkur.
Þrjár heildarmyndir. Sama tjald, sama sveifla.
Höggtjald, veggpúðar, gervigras, höggmotta, gólfefni, myrkvun, lýsing og festing skjávarpa fylgja öllum pökkum. Það sem breytist er stemningin: gólfið, grasið, rimlarnir, húsgögnin og ljósið.
Sama hús, fjórar klæðningar.
Svart „Classic“ stál með standandi fals, eða hitameðhöndlað timbur eins og framleiðandinn býður það: lóðrétt, lárétt eða blandað. Þakið er alltaf svart stál, álprófílarnir svartir, glerið þrefalt. Pallurinn liggur í flútti við gólf og hurð, svo undirstaðan sést aldrei.
Sama golfrými. Þrír metrar af húsi til viðbótar.
Skelin lengd um 3,2 m við gluggavegginn: anddyri og setustofa við glerið. Golfrýmið, tjaldið, lofthæðin og glerið eru nákvæmlega eins og í Studio.
Snúðu húsinu, farðu inn og taktu það í sundur.
Líkanið er byggt beint úr tölum framleiðandans: mál, þakhalli, gluggaveggur, pallur, undirstaða. Sleðinn lyftir lögunum hverju af öðru, frá plötu upp í þakstál. Það er tæknilega viðmiðið; myndirnar eru stemningin.
Bentu á hluta hússins: hann lýsist upp og útskýringin birtist hér. Leiðsögnin fer í gegnum bygginguna skref fyrir skref.
Tvö hundruð millimetrar af steinull á alla vegu.
Timburgrind, steinull, vindvörn og rakavörn, svart þakstál og veggstál með standandi fals og álgluggar með þreföldu gleri. Öll U-gildi undir hámarki byggingarreglugerðar. Orkuflokkur B, um 45 kWh/m² á ári í hitun.
Þak
270 mm- Þakstál „Classic“, svart, standandi fals0,5 mm
- Undirborð langsum 100 × 25 mm25 mm
- Lóðrétt lektun, loftað bil25 mm
- Vindvarnarlag 130 g/m²himna
- Þakgrind 150 mm, steinull á milli150 mm
- Innri þverlekt 50 mm, steinull50 mm
- Rakavarnarlag, hitameginhimna
- Innri klæðning lofts20 mm
Útveggur
295 mm- Stálklæðning, standandi fals25 mm
- Lárétt loftunarlekt, loftað bil25 mm
- Lóðrétt lektun25 mm
- Vindvarnarlag 130 g/m²himna
- Burðargrind 150 mm, steinull á milli150 mm
- Innri þverlekt 50 mm, steinull50 mm
- Rakavarnarlag, hitameginhimna
- Innri klæðning20 mm
Gólf
355 mm- Gólfefnieftir pakka
- Efri þverlekt 50 mm, steinull50 mm
- Gólfgrind 150 mm, steinull á milli150 mm
- Sementsbundin plata5 mm
- Botnbiti 100 × 150 mm, hvílir á plötu150 mm


Gluggar og hurðir frá evrópskum gluggaframleiðanda. Álprófílakerfi YAWAL TM77N_HI+, ál EN AW-6060 T66, þrefalt gler, tvö loftbil, tvö valgler, Ug ≤ 0,5. Loftgegndræpi flokkur 4 (EN 12207), vindálagsþol 2400 Pa (EN 13116).
Fjögur atriði ráða því hvort húsið kemst á lóðina.
Undirstaða, aðkoma fyrir krana, rafmagn og leyfi. Forskrift fylgir fyrir hvert atriði og lóðin er skoðuð með þér áður en tilboð er gert.
- Undirstaða
- Þrjár leiðir eftir lóð: steypt plata, steyptar súlur og dregarar, skrúfstaurar. Pallurinn liggur í flútti við gólf og hurð, svo undirstaðan sést aldrei. Nánar →
- Aðkoma
- Húsið kemur í heilu lagi, 5,15 m breitt, og er híft á undirstöðuna með krana. Lóðin þarf aðkomu fyrir flutningabíl og krana. Nánar →
- Rafmagn
- Heimtaug að húsi eftir forskrift; rafvirkjun innanhúss er á teikningu framleiðanda, tveir tenglar í lofti fyrir skjávarpa. Nánar →
- Leyfi
- Húsið fer í hefðbundið byggingarleyfisferli. Við útvegum tæknigögnin og tengjum þig við löggiltan hönnuð. Nánar →
Sumar, vetur, rökkur, ofan frá.
Kynningin og verksmiðjan.
Kynningarmyndin sýnir húsið úti og inni. Hitt er myndband framleiðanda okkar úr verksmiðjunni: grindin, steinullin og rýmið áður en klætt var.
Húsið tekur við þeim öllum.
Húsið er hannað fyrir fjögur mælikerfi: TrackMan, Foresight, Uneekor og Garmin. Sá sem á hermi heldur honum; sá sem velur nýjan fær hann settan upp og stilltan. Hermar endurnýjast á fárra ára fresti, húsið stendur áratugi.
- TrackManratsjádýpt aftan við bolta og fastur festipunktur
- Foresight Sportsmyndavélarhliðarrými og stöðug lýsing
- Uneekormyndavélar í loftilofthæð og festing yfir slagsvæði
- Garminratsjádýpt og sléttur slagflötur
Uppsetning og stilling hermisins er innifalin, hvort sem hann kemur frá okkur eða þér.
Sjö áfangar frá fyrirspurn að fyrsta högginu.
Einn samningsaðili og fast verð. Tvennt er á hendi kaupanda, leyfi og undirstaða, og forskriftin fyrir hvort tveggja fylgir. Hitt er á hendi Hermisgutta.
- 01VeljaFyrirspurn, ráðgjöf á lóð eða í síma, og val á hermi.
- 02HannaFast tilboð á einni blaðsíðu, samningur og pöntun í verksmiðju.
- 03UndirbúaLeyfi, undirstaða og heimtaug eftir forskrift okkar.
- 04FramleiðaGolfpakkinn keyptur inn meðan húsið er smíðað í verksmiðjunni.
- 05FlytjaSérflutningur til Íslands, húsið í heilu lagi.
- 06Setja uppHífing og festing á einum degi, golfpakki og hermir á fjórum.
- 07SpilaAfhending með kennslu, handbók og ábyrgðarskjölum.
Það sem allir spyrja um fyrst.
Þarf byggingarleyfi?
Já. Húsið er tæpir 35 fermetrar og fer því í hefðbundið leyfisferli hjá byggingarfulltrúa. Við útvegum tæknigögn hússins og tengjum þig við löggiltan hönnuð. Leyfið er á nafni lóðarhafa.
Hvað þarf að vera klárt á lóðinni?
Undirstaða eftir okkar forskrift, oftast steypt plata 8,3 × 5,3 m, rafmagnsheimtaug að húsi og aðkoma fyrir krana. Pallurinn kemur svo í flútti við gólf og hurð hússins, svo undirstaðan sést aldrei.
Hvar er höggtjaldið?
Alltaf innst, á fimm metra bakstafninum gegnt gluggaveggnum. Þú gengur inn um glerið og horfir beint niður 7,6 metra rýmið á tjaldið. Húsgögn, litir og gólfefni breytast eftir pakka; staðsetning tjaldsins ekki.
Hvað er Suite?
Sama skel, 3,2 m lengri við gluggavegginn. Golfrýmið 7,6 × 4,6 m er nákvæmlega eins; framan við það kemur anddyri og setustofa, 3,2 × 4,6 m, við glerið. Ekkert er tekið af sveiflunni, tjaldinu né glerveggnum.
Get ég notað hermi sem ég á nú þegar?
Já. Húsið er hannað fyrir TrackMan, Foresight, Uneekor, Garmin og fleiri. Við setjum upp og stillum þann hermi sem þú velur.
Komast örvhentir að?
Já. Innri breiddin er 4,60 m og höggmottan er miðjuð, svo bæði rétt- og örvhentir slá án þess að stytta sveifluna.
Hvernig er húsið hitað?
Loft í loft varmadæla ásamt rafvarmamottum í gólfi. Húsið er með 200 mm steinull í þaki, veggjum og gólfi og þrefalt gler, í orkuflokki B samkvæmt orkulíkani framleiðanda, með um 45 kWh/m² á ári í hitun.
Þarf það að vera á steyptri plötu?
Nei. Platan er einfaldasta leiðin og sú sem sýningarhúsið er á, en húsið stendur líka á steyptum súlum með dregurum eða á skrúfstaurum. Lóðin ræður.
Hvað tekur þetta langan tíma?
Fjórtán til átján vikur frá undirritun að afhendingu þegar leyfi og undirstaða eru klár. Leyfisferlið sjálft er talið sérstaklega.
Heyrist í húsinu út?
Höggið er dempað með veggpúðum og höggtjaldi, og 200 mm einangrun heldur hljóðinu inni. Hljóðstig við högg verður mælt í sýningarhúsinu og niðurstaðan fylgir tilboði.
Hvað kostar þetta?
Verð ræðst af gerð, innréttingarpakka, skjávarpa og hermi. Settu saman þitt hús í stillivélinni og þú færð fast tilboð á einni blaðsíðu, engin tímavinna.
















